Италиянинг "Аталанта" клуби футболчиси Руслан Малиновскийнинг "Ювентус" дарвозасига киритган голи - февраль ойининг энг чиройли голи деб топилди.
Эслатиб ўтамиз, украиналик футболчи А Сериянинг 25-турида "Ювентуса" жамоасига қарши ўйиндаги биринчи голга муаллифлик қилганди. Ремо Фройлер томонидан етказиб берилган тўпни Малиновский чамаси 25 метрлар атрофида Войцех Щенсни дарвозасига жойлаб қўйганди.
Эслатиб ўтамиз, 28 ёшли футболчи февраль ойида жамоаси таркибида 6 та учрашувда майдонга тушиб, 3 та гол киритди.