НБАнинг «Сакраменто» клуби хўжайини Вивек Ранадиве Лондоннинг «Челси» жамоасини сотиб олиш ниятида эканлигини билдирди.
Sportico порталининг тарқатган маълумотига қараганда, Ранадиве "Челси"ни сотиб олиш учун расмий таклиф юбориш учун озгина деталларни ҳал қилиб олиши керак.
Ҳиндистонлик бизнесменнинг бойлиги 700 миллион доллардан кўпроқ дейилади. У «Сакраменто» баскетбол жамоасини 2013 йилда 534 миллион долларга сотиб олган.
«Челси» дунёнинг энг қиммат футбол клубларидан бири саналади. Лондон клубининг нархи 3 миллиард доллар эканлиги айтилмоқда.
