SempreMilan.it хабарига кўра, «Милан» «Рома» ҳимоячиси Алессандро Флоренцини тўлиқ сотиб олишни мўлжалламоқда.

Ҳозир футболчи Милан клубида ижара асосида тўп тепмоқда. «Милан» уни 4,5 миллион еврога сотиб олиш имкониятига эга. «Рома» бош мураббийи Жозе Моуриньо футболчини Римга қайтаришни истамоқда.

Аммо «Милан» бош мураббийи Стефано Пиоли ҳам Флоренцини ўз жамоасида олиб қолиш бўйича «россонерилар» раҳбариятига таклиф билан чиққан.

30 ёшли ҳимоячи жорий мавсумда «Милан» сафида А серийа доирасидаги 19 та ўйинда майдонга тушиб, 1 та гол уришга эришди.