Неймар Чемпионлар лигаси 1/8 финал босқичи жавоб учрашуви доирасида «Реал»га қарши ўйини олдидан ўз фикрини билдирди.
“Бу фақат мен учун эмас, балки Лео Месси учун алоҳида ўйин бўлади, чунки биз аллақачон «Барселона» учун бу ерда ўйнаганмиз. Бу Рамос учун ҳам ўзгача бўлади. Умуман олганда, ҳамма учун ўзгача ўйин бўлади. Чемпионлар лигасида «Реал»га қарши ўйнаш ҳар доим катта воқеа бўлиб, бизни янада руҳлантиради.
Бизда мувозанатсиз жамоа бор деган фикрга қўшилмайман. «Барселона» билан солиштирганда, биз у ерда ҳам худди шундай ўйнадик. Бирга ҳужум қилдик, бирга ҳимояландик. Бу ўйинда ҳам худди Париждагидек ҳаракат қиламиз. Биз яхши ўйин кўрсатишга ҳаракат қилишимиз керак.
Чемпионлар лигаси финали Парижда ўтказилишига ақл бовар қилмайди. Бу бизни янада руҳлантиради. Биз эртанги кундан бошлаб финал йўлини бошлашимиз керак, аниқроғи, у томон кейинги қадамни ташлашимиз керак», - деди «ПСЖ» ҳужумчиси.
