Neymar Chempionlar ligasi 1/8 final bosqichi javob uchrashuvi doirasida «Real»ga qarshi o‘yini oldidan o‘z fikrini bildirdi.

“Bu faqat men uchun emas, balki Leo Messi uchun alohida o‘yin bo‘ladi, chunki biz allaqachon «Barselona» uchun bu yerda o‘ynaganmiz. Bu Ramos uchun ham o‘zgacha bo‘ladi. Umuman olganda, hamma uchun o‘zgacha o‘yin bo‘ladi. Chempionlar ligasida «Real»ga qarshi o‘ynash har doim katta voqea bo‘lib, bizni yanada ruhlantiradi.

Bizda muvozanatsiz jamoa bor degan fikrga qo‘shilmayman. «Barselona» bilan solishtirganda, biz u yerda ham xuddi shunday o‘ynadik. Birga hujum qildik, birga himoyalandik. Bu o‘yinda ham xuddi Parijdagidek harakat qilamiz. Biz yaxshi o‘yin ko‘rsatishga harakat qilishimiz kerak.

Chempionlar ligasi finali Parijda o‘tkazilishiga aql bovar qilmaydi. Bu bizni yanada ruhlantiradi. Biz ertangi kundan boshlab final yo‘lini boshlashimiz kerak, aniqrog‘i, u tomon keyingi qadamni tashlashimiz kerak», - dedi «PSJ» hujumchisi.