«Ливерпуль» бош мураббийи Юрген Клопп ЕЧЛ 1/8 финал жавоб ўйинида «Интер» 0:1 жамоасидан учралган мағлубият ҳақида фикр билдирди.
“Бу қизиқарли ўйин бўлди. Якунда биз ўйинни бой бердик, бу яхши эмас, чунки уй учрашувида мағлуб бўлишни кутмагандик. Бизга жуда кўп муаммо келтирган рақибни ҳурмат қилишимиз керак. Имкониятларимиздан фойдаланганимизда ғалаба бизники бўларди. Бу содир бўлмади, лекин охирида биз ҳаракат қилдик.
«Интер» каби рақиблар билан ўйинларда доимо ҳаракат қилиш ва кўп пас бериш керак. Биз буни қилдик, лекин, эҳтимол, етарли даражада қилмагандирмиз. Биз етарлича эҳтиёткорлик билан ҳаракат қилмадик, тўп учун курашларда мағлуб бўлдик ва оддий вазиятларда тўпни йўқотдик», - деди Клопп УЭФА расмий сайтига.