Европа Чемпионлари Лигасининг 1/8 финал жавоб учрашуви доирасида бўлиб ўтган "Бавария" ҳамда "Зальцбург" (7:1) жамоалари ўртасидаги учрашувдан кейин Томас Мюллер ўз фикрларини билдирди.
"Бугун ҳаммаси яхши ўтди, омад биз томонда эди. "Зальцбург" бугун омадсиз эди. Ўйиннинг бешинчи дақиқадасидаёқ биз гол ўтказиб юборишимиз мумкин эди. Учрашув тақдири бироз шундай вазиятларга боғлиқ, лекин умуман олганда биз яхшироқ эдик.
Ўйин олдидан ҳеч қандай ноаниқлик йўқ эди. Албатта, кескинлик бор эди. Бу ўйин нақадар муҳимлигини ҳамма биларди. Биринчи ўйинда 1:1 ҳисобидаги дуранг биз учун фалокат бўлмади, лекин бу энг яхши натижа ҳам эмасди" - деди Мюллер.
