Италия футбол федерацияси (FIGC) адидас билан ҳамкорлик бошланганини эълон қилди. 2023 йилнинг январь ойидан Италия терма жамоалари (эркаклар, аёллар, ёшлар, футзал, пляж футболи ва киберспорт) компания маҳсулотларини кийишади.
«Адидас билан ҳамкорлик FIGC учун ғурур манбаи», — деди Италия футбол федерацияси президенти Габриэле Гравина. «Ушбу ҳамкорлик бизнинг тижорий жозибадорлигимизни ошириш йўлидаги асосий қадам бўлиб, Италияда ҳам, хорижда ҳам брендимиз ривожланишини кучайтиради».
Италия терма жамоаларининг ҳозирги техник ҳомийси Пума ҳисобланади.
