Украина футбол ассоциациясининг "Этика ва ҳалол ўйин қўмитаси" мамлакат футболи афсонасига айланган Анатолий Тимошукни барча унвон ва мукофотлардан маҳрум қилишни таклиф қилмоқда.
«Украина терма жамоасининг собиқ сардори Тимошук нафақат оммавий баёнот билан чиқди, балки »Зенит« билан ҳамкорлигини ҳам тўхтатмади. Унинг яна бир собиқ клуби "Бавария" Украинани қўллаб-қувватловчи баёнотлар эълон қилиб, акциялар ўтказаётган бир пайтда, Тимошук жим туришда ва клуб учун ишлашда давом этмоқда. Тимошук бундай онгли танлови билан Украина футболи имижига путур етказади”, — дейилади УФА баёнотида.
Қайд этилишича, улар Тимошукни Про лицензиясидан, барча давлат мукофотлари ва фахрий унвонларидан, шунингдек, барча унвонлар – Украина чемпионати, Украина кубоги, Украина Суперкубоги ғолиби ва кумуш медалларидан маҳрум қилмоқчи.
