Ukraina futbol assosiasiyasining "Etika va halol o‘yin qo‘mitasi" mamlakat futboli afsonasiga aylangan Anatoliy Timoshukni barcha unvon va mukofotlardan mahrum qilishni taklif qilmoqda.
«Ukraina terma jamoasining sobiq sardori Timoshuk nafaqat ommaviy bayonot bilan chiqdi, balki »Zenit« bilan hamkorligini ham to‘xtatmadi. Uning yana bir sobiq klubi "Bavariya" Ukrainani qo‘llab-quvvatlovchi bayonotlar e’lon qilib, aksiyalar o‘tkazayotgan bir paytda, Timoshuk jim turishda va klub uchun ishlashda davom etmoqda. Timoshuk bunday ongli tanlovi bilan Ukraina futboli imijiga putur yetkazadi”, — deyiladi UFA bayonotida.
Qayd etilishicha, ular Timoshukni Pro lisenziyasidan, barcha davlat mukofotlari va faxriy unvonlaridan, shuningdek, barcha unvonlar – Ukraina chempionati, Ukraina kubogi, Ukraina Superkubogi g‘olibi va kumush medallaridan mahrum qilmoqchi.
