"Лестер" бош мураббийи Брендан Рожерс ҳужумчи Жейми Вардининг жароҳат олгани ва тахминан бир ой майдонга туша олмаслигини айтди.
"Жейми Конференция лигасидаги "Ренн"га қарши ўйинимизни ўтказиб юборади. Афсуски, сўнгги ўйинда у тиззасидан жароҳат олди ва кейинги 3-4 ҳафтани ўтказиб юборади", - деди Рожерс "тулкилар"нинг расмий сайтига берган интервьюсида.
Мутахассис, шунингдек, ҳимоячи Уэсли Фофана коронавирус туфайли “Лестер”га “Ренн” билан ўйинда ёрдам бермаслигига аниқлик киритди.
Конференсия лигасининг 1/8 финали доирасидаги “Лестер” – “Ренн” учрашуви эртага, 10 март куни Тошкент вақти билан соат 01.00да бошланади.
