Пеп Гвардиола ўзининг фаолиятига Лионел Месси қанчалик таъсир кўрсатгани ҳақида гапирди.
«Месси - менинг фаолиятим учун ҳамма нарса. У мени яхшироқ қилди. Ўшанда «Барселона»да идеал ёшдаги кўплаб юлдузлар, юқори савиядаги тажрибали футболчилар ўйнашарди. Бу ҳаётда бир марта содир бўлади. Хави, Иниеста, Пуйоль... Мессисиз ҳам ютган бўлардик, лекин унчалик кўп эмас.
Мен ўша пайтда Мессини Майкл Жордан билан солиштирганман. Улар ўшанда олтита узук ютишганди. Мен ҳам ғалаба қозонганман, чунки Месси буни осонлаштирганди.
Мен ундан бир шиша вино қарздорман, чунки унинг шарофати билан мен яхшироқ шартномаларга эришдим» - деди «Манчестер Сити» бош мураббийи Diario Olé нашрига берган интервьюсида.
