Роберт Пирес «Реал» ва «ПСЖ» ўртасидаги Чемпионлар лигаси жавоб учрашувидан олдинги фикрлари билан ўртоқлашди.

- Сизни «Реал»га таклиф қилишган, аммо «Арсенал»ни танлагансиз...

- Тўғри, лекин мен бундай қадам қўйишдан қўрқиб бош тортмадим. 2000 йилда менда «Арсенал», «Реал» ва «Ювентус» клубларидан тушган вариантлар бор эди.

Мен «Арсенал»ни танладим, чунки Арсен Венгер жуда қатъиятли эди. У ҳар куни менга қўнғироқ қилди.

Шунинг учун мен «Реал»дан бош тортдим. Биз ёмон ўйнамагандик, Чемпионлар лигасида Тьерри Анри "Бернабеу"да гол урганида Мадридни мағлуб этгандик.

- Анри ҳар сафар тўпни қабул қилганда, "Бернабеу" жим қолди...

- Ҳа, бугун эса Анри қилган ишни бошқа футболчи такрорлаши мумкин. 16 йил олдин бу Анри эди, энди Мбаппе буни уддалай олади”, - деди Пирес.

2005/06 йилги мавсумда «Арсенал» Чемпионлар лигаси плей-офф босқичида «Сантяго Бернабеу»да Тьерри Анрининг голи эвазига (1:0, 0:0) умумий ҳисобда «Реал»ни мағлуб этганди.