Маурисио Почеттино Чемпионлар лигаси доирасидаги «Реал» – «ПСЖ» (3:1) жамоалари ўртасидаги учрашувни бошқарган ҳакамлардан ғазабланди.
61-дақиқада Карим Бензема "ПСЖ" дарвозабони Жанлуижи Доннаруммага нисбатан прессинг уюштирди ва тўп Винисиусга келиб тушди. Бразилиялик футболчи эса тўпни Бенземага узатма берди, шундан сўнг Карим бўш дарвозани қийинчиликсиз ишғол этиб, ҳисобни тенглаштирди.
Бош ҳакам Данни Маккели ушбу эпизодда Бензема қоида бузмаган деб ҳисоблади ва голни инобатга олди.
«Қандай шармандалик! Доннаруммага нисбатан қўполлик содир бўлди. Бундай қўпол хато ҳақида жим туриш мумкин эмас. 2022 йилда бундай нарса бўлиши мумкин эмас», - деди парижликлар мураббийи.
