Карло Анчелотти Чемпионлар лигаси 1/8 финал жавоб ўйинида «ПСЖ» устидан 3:1 ҳисобида қўлга киритилган ғалаба ҳақида фикр билдирди.

“Биз жуда қийин ўйинда ғалаба қозондик, айниқса Мбаппенинг голидан кейин, жуда қийин ўйин бўлди.

Машғулотларда бўлгани каби юқори прессингга ҳаракат қилдик ва биринчи гол шу тарзда киритилди. Мухлислар бизни олдинга чорлашди ва биз кўпроқ имкониятлар яратдик. Биз жуда бахтлимиз.

Учрашувни яхши бошладик, аммо кейин «ПСЖ» прессинг билан бизга қийинчилик туғдира бошлади. Мен бироз қийинчиликка дуч келишимиз керак эканлигини билардик, лекин бу нормал ҳолат. Биз бироз таваккал қилдик, Мбаппега яккама-якка чиқиб бориши учун имконият қолдирдик ва бу бизни бироз қийнаб қўйди”, деди «Реал» устози.