«Милан» бош мураббийи Массимилиано Аллегри жамоа тактик схемасидаги ўзгаришлар ҳамда ички муҳит ҳақида фикрларини билдириб ўтди. Бу ҳақда «Sky Sport Italia» хабар бермоқда.

«У ёки бу тактик схемани керакли вақтда танлай билиш жуда ҳам муҳим. Иброҳимович, Робиньо ва Боатенг сафга қайтганидан сўнг, ўйинимизни ўзгартиришга мажбур бўлдик», - деди италиялик мутахассис.

«Мисол учун, Зеедорфни жисмоний жиҳатдан ундан кучлироқ бўлган Боатенгга алмаштирдим. Кларенс яхши ўйин кўрсатаётганига қарамай, биз айнан унинг нуқтаси бўйича оқсаётган эдик», - деди «Милан» устози.

«Чемпионлар жамоаси аслида ҳозирги «Милан»дек бўлиши керак. Бунда энг асосийси – руҳият. Бу борада бизда ҳаммаси жойида, кийим алмаштириш хонасида ажойиб муҳит ҳукмронлик қилмоқда», - дея қўшимча қилди «Милан» бош мураббийи Массимилиано Аллегри.