«Барселона» чап қанот ҳимоя позицияси учун муносиб футболчи изламоқда. Номзодлар орасида Николас Тальяфико, Хосе Луис Гайя, Алекса Морено ва Алехандро Гримальдо номлари бор.
O Jogo нашри хабарига кўра, Гримальдонинг шартномаси 2023 йилда тугайди ва «Бенфика» уни 10-15 миллион евро эвазига қўйиб юбориши мумкин.
Футболчи жорий мавсумда «Бенфика» сафида 21 та ўйинда майдонга тушиб, 5 та гол ва 5 та голли узатмани амалга оширди.
Гайя «Барса»нинг иккинчи асосий мақсадларидан бири, аммо «Валенсия» футболчи билан янги шартнома имзолашга яқин турибди.
