Қаршининг «Насаф» клуби Қатар жамоасига ҳар иккала ўйинда ҳам имкониятни бой берди.
Рўзиқул Бердиев шогирдлари Қатарда бўлиб ўтган дастлабки учрашувда 1:3 ҳисобида имкониятни бой берганди. Қарши шаҳрида бўлиб ўтган жавоб учрашувида ҳам омад қатарликларга кулиб боқди. Учрашув иккинчи бўлими, 16-дақиқасида бразилиялик Родриго Табата томонидан киритилган гол «Райян»га муҳим ғалабани келтирди.
«Насаф» бутун ўйин давомида қатор имкониятларга эга бўлган эрса-да, бирор марта ҳам рақиб дарвозаси томон йўл топа олмади. «Насаф» бунгача, «Ар-Райян»дан ташқари, БААнинг «Ал-Жазийра» жамоасига Қаршида имкониятни бой берган (2:4), Эроннинг «Истиқлол» клуби билан меҳмонда дуранг (0:0) ўйнаган эди.
Ушбу натижана сўнг «Насаф» 1 очко билан «А» гуруҳининг сўнгги жамоаси бўлиб турибди. «Ар-Райян» эса 6 очко билан иккинчи ўринга кўтарилиб олди. Бироқ «Ал-Жазийра» – «Истиқлол» учрашувида эронликлар ғалаба қозонадиган бўлса, Теҳрон клуби очколари сони 7тага етиб, иккинчи ўринга чиқиб олади. Биринчи ўринда турган «Ал-Жазийра» ҳисобида эса 9 очко бор.
Эътиборли томони, агар «Ал-Жазийра» «Истиқлол»ни мағубиятга учратмаса, «Насаф» ОЧЛ нимчорак финал йўлланмаси учун курашдан чиқади. Бундан кейин 2 май куни «Ал-Жазира»га қарши Абу-Дабида, 16 май куни «Истиқлол»га қарши Қаршида бўлиб ўтадиган ўйинлар Қашқадарё клуби учун аҳамиятга эга бўлмайди.
ОЧЛда иштирок этаётган бошқа икки Ўзбекистон клуби – «Бунёдкор» ва «Пахтакор» кейинги босқичга чиқиш имкониятини сақлаб қолган. ОЧЛ гуруҳ босқичи 4-турида «Пахтакор» сафарда «Ал-Араби»ни 1:0 ҳисобида мағлуб этган бўлса, «Бунёдкор» Тошкентда «Гамба Осака» устидан 3:2 ҳисобида ғалаба қозонди.
|
№
|
Жамоа
|
Ў
|
Ю
|
Д
|
М
|
Т-Н
|
О
|
|
1
|
«Ал-Жазийра»
|
3
|
3
|
0
|
0
|
9-5
|
9
|
|
2
|
«Ар-Райян»
|
4
|
2
|
0
|
2
|
6-5
|
6
|
|
3
|
«Истиқлол»
|
3
|
1
|
1
|
1
|
2-2
|
4
|
|
4
|
«Насаф»
|
4
|
0
|
1
|
3
|
3-8
|
1
|
