Испаниянинг «Барселона» клуби ярим ҳимоячи Франк Кессье билан янги шартнома борасида келишиб олди, бироқ музокаралар кечроққа қолдирилди. Сабаби, футболчининг агенти жуда кўп пул талаб қилган.
Кессьенинг «Милан» билан шартномаси шу ёзда тугайди ва футболчи узоқ вақтдан буён клубда қолиш нияти йўқлигини айтиб келмоқда.
«Барселона» футболчига бонусларни ҳисобга олмаганда йилига 6 миллион евро маош билан шартнома таклиф қилди.
Бу шартлар футболчига «Милан» томонидан таклиф қилинган шартлардан кўпроқ, аммо клуб футболчининг агенти хизматлари учун пул сарфлашга тайёр эмас эди.
