«Челси»нинг аёллар жамоаси устози Эмма Хейз жамоадаги вазиятга муносабат билдирди. У шундай дейди:
«Мен бу нарсалар билан курашмайман. Чунки вазият назорати менинг қўлимда эмас. Мен фақатгина келаётган кунлар ва ҳафталардан сабоқ олишим мумкин. Биз вазиятдан тўла хабардормиз. Аммо айни дамда Украинада уруш кетмоқда ва бу нарса бизнинг ишимиздан муҳимроқ. Айни дамда футболчилар, мураббийлар штаби ва мухлислар сабрлироқ бўлиши талаб этилади. Умид қиламанки, бу вазият кўпга чўзилмайди».