«Аталанта»нинг украиналик ярим ҳимоячиси Руслан Малиновский сўнгги пайтларда ажойиб формага эга бўлди.
28 ёшли украиналик футболчи 1/8 финал доирасидаги «Байер»га қарши ўйинида бергамоликларнинг биринчи голига муаллифлик қилди. Учрашув италияликларнинг 3:2 ҳисобида якунланди. Малиновский аввалига гол урди, кейин эса ассист қайд этди. Қайд этиш жоиз, «Аталанта» таркибида сўнгги учта ўйинда Малиновский «гол+пас» тизимида беш очко жамғарди.
Жорий мавсумда Руслан Малиновский Италия чемпионатида 22 та ўйин ўтказиб, 6 та гол урди ва 2 та голли узатмани амалга оширди.
