«Манчестер Юнайтед» раҳбарлари муваффақиятсиз натижа янги бош мураббий излашга салбий таъсир кўрсатишидан хавотирда.

Клуб раҳбарияти воситачилар орқали маъқул номзодлар билан боғланиб, янги мураббий излаш ишларини бошлаб юборди. Бироқ, «Манчестер Юнайтед»да қатор ёмон натижалар ва Чемпионлар лигасидан эҳтимолий тушиб кетиши, шунингдек, асосий ўйинчиларнинг келажаги ҳақидаги шубҳалар янги бош мураббий излашга халақит бераётганидан хавотирга тушмоқда.

ESPN нашри тарқатган маълумотларга қараганда, «Манчестер Юнайтед»га қизиқаётган камида битта мураббий кийиниш хонасидаги кайфиятни баҳолаш ва асосий ўйинчилар «қизил иблислар» таркибида қолишни исташларини билиш учун ўз алоқаларидан фойдаланган. Бу мураббий жамоани қанчалик қайта қуриш кераклигини тушунишга ҳаракат қилади.

Номзодлар билан суҳбат чоғида қисқа муддат ичида муваффақиятга эришиш мумкинми ёки йўқлиги ҳам муҳокама қилинади, чунки «Манчестер Юнайтед» Чемпионлар лигаси ва Премьер-лига чемпионлиги учун курашиш учун йиллар керак бўлишидан қўрқади.

«ПСЖ» устози Маурисио Почеттино ва «Аякс» бош мураббийи Эрик тен Хаг «Манчестер Юнайтед» бош мураббийи лавозимини эгаллаш учун фаворит бўлиб қолмоқда, аммо клуб кенг қамровли изланишда давом этмоқда. Клубнинг рўйхатида кўплаб номзодлар бор.

Манбаларнинг таъкидлашича, «Юнайтед» ёзги трансфер кампаниясида тўлиқ иштирок этишини таъминлаш учун мавсум охиригача янги мураббий тайинланишини эълон қилмоқчи.