«Manchester Yunayted» rahbarlari muvaffaqiyatsiz natija yangi bosh murabbiy izlashga salbiy ta’sir ko‘rsatishidan xavotirda.

Klub rahbariyati vositachilar orqali ma’qul nomzodlar bilan bog‘lanib, yangi murabbiy izlash ishlarini boshlab yubordi. Biroq, «Manchester Yunayted»da qator yomon natijalar va Chempionlar ligasidan ehtimoliy tushib ketishi, shuningdek, asosiy o‘yinchilarning kelajagi haqidagi shubhalar yangi bosh murabbiy izlashga xalaqit berayotganidan xavotirga tushmoqda.

ESPN nashri tarqatgan ma’lumotlarga qaraganda, «Manchester Yunayted»ga qiziqayotgan kamida bitta murabbiy kiyinish xonasidagi kayfiyatni baholash va asosiy o‘yinchilar «qizil iblislar» tarkibida qolishni istashlarini bilish uchun o‘z aloqalaridan foydalangan. Bu murabbiy jamoani qanchalik qayta qurish kerakligini tushunishga harakat qiladi.

Nomzodlar bilan suhbat chog‘ida qisqa muddat ichida muvaffaqiyatga erishish mumkinmi yoki yo‘qligi ham muhokama qilinadi, chunki «Manchester Yunayted» Chempionlar ligasi va Premyer-liga chempionligi uchun kurashish uchun yillar kerak bo‘lishidan qo‘rqadi.

«PSJ» ustozi Maurisio Pochettino va «Ayaks» bosh murabbiyi Erik ten Xag «Manchester Yunayted» bosh murabbiyi lavozimini egallash uchun favorit bo‘lib qolmoqda, ammo klub keng qamrovli izlanishda davom etmoqda. Klubning ro‘yxatida ko‘plab nomzodlar bor.

Manbalarning ta’kidlashicha, «Yunayted» yozgi transfer kampaniyasida to‘liq ishtirok etishini ta’minlash uchun mavsum oxirigacha yangi murabbiy tayinlanishini e’lon qilmoqchi.