«Вильярреал» ярим ҳимоячиси Йереми Пино ёзда номдорроқ жамоага ўтиши мумкин, дея хабар беради El Desmarque.
Манбага кўра, 19 ёшли испаниялик футболчига «Реал», «Ливерпуль» ва «Арсенал» клублари қизиқиш билдирмоқда.
«Сариқ сувости кемаси» футболчиси учун 80 миллион евро талаб қилмоқда. Бу Пинонинг шартномасидаги товон пули ҳисобланади.
Пино жорий мавсумда «Вильярреал» сафида 34 та ўйинда майдонга тушиб, 7 та гол ва 4 та голли узатмани амалга оширди.