"ПСЖ" президенти Носир Ал-Хелайфий Доҳага учиб кетди ва у ерда клуб раҳбарияти билан учрашади. Унда жамоанинг Чемпионлар лигасидаги ўйини ҳамда ривожланишнинг кейинги йўли муҳокама қилинади, деб хабар беради Le Parisen.
"ПСЖ" ЕЧЛ 1/8 финал жавоб ўйинида меҳмонда “Реал”га 1:3 ҳисобида имкониятни бой бериб, турнирдаги ўйинини якунлади.
Франция клуби президенти жамоа Чемпионлар лигасидан чиқиб кетганидан кейин нидерландиялик Денни Маккели бошчилигидаги ҳакамлар бригадаси ишидан норозилигини билдириш учун ҳакамлар хонасига бостириб киришга уринганди.
