"ПСЖ" дарвозабони Жанлуижи Доннарумма жамоанинг жума кунги машғулотларини ўтказиб юборди. Мураббийлар штаби дарвозабонга дам берди. Бу ҳақда RMC Sport нашри хабар берди.
Аввалроқ, дарвозабон Чемпионлар лигаси 1/8 финалининг "Реал"га қарши жавоб учрашувидан кейин (1:3) жамоа ҳужумчиси Неймар билан жанжаллашиб қолгани ҳақида хабарлар тарқалган эди.
Қайд этилишича, футболчилар ўтказиб юборилган голларни муҳокама қилиб, ўзаро баҳслашишган. Неймар Доннаруммага биринчи ўтказиб юборилган гол учун танбеҳ берган бўлса, италиялик футболчи бразилияликни иккинчи голда айблаган.
“Реал” ПСЖни умумий ҳисобда 3:2 ҳисобида мағлуб этди ва Чемпионлар лигасининг чорак финалига йўл олди.
