«Челси» клубининг баъзи футболчилари жамоа хўжайини Роман Абрамовичга қарши қўлланилган санкциялар туфайли, клуб билан шартномаларини бекор қилишлари мумкин. Футболчилар бу имкониятни кўриб чиқишаётгани ҳақида The Telegraph нашри хабар тарқатмоқда.
Агар клубда молиявий муаммолар юзага келса ёки маошларда кечикишлар бошланса, футболчилар шундай қадам ташлаши мумкин. Баъзи футболчилар тафсилотларни муҳокама қилиш учун ўз агентлари билан боғланишган.
Эслатиб ўтамиз, 10 март куни Буюк Британия ҳукумати россиялик тадбиркорга, шунингдек, «Челси»нинг ўзига қарши санкциялар жорий қилган эди. Расмийлар «Челси»га клубга футбол ўйнашни давом эттиришга рухсат берувчи лицензия берди, бу лицензия 10 мартда кучга кирган ва 31 майда тугайди.