«Chelsi» klubining ba’zi futbolchilari jamoa xo‘jayini Roman Abramovichga qarshi qo‘llanilgan sanksiyalar tufayli, klub bilan shartnomalarini bekor qilishlari mumkin. Futbolchilar bu imkoniyatni ko‘rib chiqishayotgani haqida The Telegraph nashri xabar tarqatmoqda.
Agar klubda moliyaviy muammolar yuzaga kelsa yoki maoshlarda kechikishlar boshlansa, futbolchilar shunday qadam tashlashi mumkin. Ba’zi futbolchilar tafsilotlarni muhokama qilish uchun o‘z agentlari bilan bog‘lanishgan.
Eslatib o‘tamiz, 10 mart kuni Buyuk Britaniya hukumati rossiyalik tadbirkorga, shuningdek, «Chelsi»ning o‘ziga qarshi sanksiyalar joriy qilgan edi. Rasmiylar «Chelsi»ga klubga futbol o‘ynashni davom ettirishga ruxsat beruvchi lisenziya berdi, bu lisenziya 10 martda kuchga kirgan va 31 mayda tugaydi.
