"Ювентус" ва "Интер" "ПСЖ" ярим ҳимоячиси Леандро Паредес учун курашиш ниятида, деб хабар беради Calciomercato.
Аввалроқ Париж клуби мавсум якунида 27 ёшли аргентиналик футболчидан қутулмоқчилиги ҳақида хабарлар тарқалган эди.
Паредес "ПСЖ"да 2019 йилдан бери тўп суради. Унинг клуб билан амалдаги шартномаси 2023 йилда тугайди.
Жорий мавсумда у парижликлар сафида 12 учрашувда майдонга тушди. Transfermarkt маълумотларига кўра, унинг трансфер қиймати 20 миллион эврони ташкил қилади.