Россия футболни ривожлантириш фонди президенти Алишер Аминов "Анжи" бош мураббийи Гус Хиддинкнинг иши ҳақида мулоҳаза юритди.
"Бундай маош эвазига Россия футболининг ривожланиши ҳақида оммага чиқиш қилиш қийин иш эмас - миллий терма бош мураббийи сифатида ҳам, "Анжи" бош мураббийи ва клуб ривожланиши вице-президенти сифатида ҳам. Гус ривожлантириш масалалари бўйича ўтказилган бирорта йиғилишда иштирок этмади ва иштирок этмаса ҳам керак. Керимовнинг Доғистонда қурилажак еттита футбол маркази ҳақида ваъдаси ҳақида унита бошладилар.
Йўқ, тўғри, Гус Магомедович Россияда жуда яхши жойлашиб олган. Унга ҳеч нарсага жавоб бермай, ишонувчан рус миллиардерларини соғиш жуда ёқади. Гуснинг муаммолари йўқ. Муаммо - бизларда. Муаммо "Анжи"да. Катта муаммо Сулаймон Керимовда. У барча масалаларнинг глобал маслаҳатчиси ролини ўйнаётган юқори тоифали фирибгарга ишониб қолган", - деб ёзади Аминов "Эхо Москви" радиостанцияси сайтидаги блогида.
