Парижликлар бош мураббийи Маурисио Почеттино Лига 1'нинг 28-тури доирасидаги "Бордо" устидан қозонилган ғалабани (3:0) ўзига хос тарзда қабул қилди.
Франциянинг RMC Sport нашрига берган интервьюсида Почеттино клубдаги вазият яхши эмаслигини айтди (Чемпионлар лигасидан тушиб кетиш фонида). Мураббийнинг сўзларига кўра, "ПСЖ"га алоқаси бўлган ҳар бир киши ҳалигача "Реал"га қарши (1:3) Чемпионлар лигасидаги мағлубиятдан узоқлаша олмаяпти.
Почеттино жамоаси 65 очко билан Франция чемпионати турнир жадвалида якка пешқадам бўлиб турибди.