«Челси» техник директори Петр Чех клубдаги вазият борасида журналистларнинг саволларига жавоб берди. Оммавий ахборот воситалари вакилларини хизмат кўрсатувчи ходимларга иш ҳақи тўлаш мавзуси қизиқтирди.
«Умид қиламизки, вазият тез орада ҳал бўлади. Клубда ишлаётганлар ўз маошларини олиб, ўз ҳаётлари ва меҳнатлари билан шуғулланишади», — деди Чех.
Унинг қўшимча қилишича, ҳозирда бу саволга аниқ жавоб йўқ ва шунинг учун келажакдаги воқеаларни режалаштириш ҳали мумкин эмас.
Чех, клуб бош мураббий Томас Тухель шартнома муддати тугагунга қадар ўз лавозимини тарк этмаслигига умид қилишини айтди. Аммо вазият исталган вақтда ўзгариши мумкинлигини таъкидлади.
