Россиянинг "Крилья Советов" клуби яримҳимоячиси "Барселона" сафида Месси билан бирга тўп сурган пайтларини ҳикоя қилиб берди.
"Самарада мендан тез-тез Месси ҳақида суриштиришади: "Ҳақиқатдан ҳам у шундайми?" Ҳа, дейман. Суперодам. Суперфутболчи. Яна сўрашади: "Барселона"да ичадиларми?" Албатта, ичадилар. Фақат... қандайдир бошқача тарзда.
Мессига келсак, 2008 йилдаёқ уни эркалатишни бошлаб юборгандилар. Бир куни Гвардиола унга қараб овозини кўтарганди, Месси хафа бўлиб қолди. Машқларни бажармай қўйди. Кейин жамоадаги йигитлар Гвардиолага келиб: "Секинроқ. Мессига юмшоқроқ муомала қилиш керак. Худди бола каби", деганлар.
Месси инглиз тилини умуман билмайди. Шунинг учун кам суҳбатлашганмиз. Унинг жамоадаги энг яқин дўсти аргентиналик Милито эди. Улар худди ака-укадай эдилар. У шунингдек Хави, Пике, Вальдес ва Иньеста билан дўстлашган эди", - дея Глебнинг сўзларини келтиради Спорт-Экспресс.
