Мадриднинг «Реал» клуби бош мураббийи Карло Анчелотти ярим ҳимоячи Эдуардо Камавинганинг жамоага мослашиши борасидаги фикрлари билан ўртоқлашди. Эслатиб ўтамиз, Камавинга 2021 йилнинг ёзида «қаймоқранглилар»сафига кўчиб ўтганди. Бунгача у Франциянинг «Ренн» жамоасида ўйнаган.
«Камавинга «Реал Мадрид»нинг бугуни ва келажаги. Ҳозирда бу аниқ бўлиб бормоқда.
Модрич, Каземиро ва Кроос фаолиятини якунласа, Камавинга, Вальверде ва «Кастиля» ёшлари уларнинг ўрнини эгаллайди», - деди Анчелотти.
2021/2022 йилги мавсумда Камавинга Испания Ла Лигаси доирасида «Реал Мадрид» сафида 17 та ўйин ўтказди. Унинг ҳисобида иккита гол бор.
