"Милан" ва "Интер" келгуси мавсумдан бошлаб уй учрашувларини сунъий чим устида ўтказишни режалаштирмоқда, дея хабар бермоқда La Gazzetta dello Sport.
Милан клубларининг уй аренаси ҳисобланмиш "Сан-Сиро"даги чимнинг ҳолати жорий мавсумда қаттиқ танқидга олинди, аниқса "Арсенал" ва "Барселона"га қарши чемпионлар Лигаси учрашувлари мобйанида.
Хусусан каталонияликлар майдоннинг сифатидан шу қадар норози бўлишганки, ўйиндан сўнг УЕФАга расмий шикоят жўнатишган. Бунга жавобан "Милан" майдонга чимнинг гибрид кўриниши – сунъий толалар асосида табиий ўт қопламаси ётқизишга тайёр эканини билдирди. "Интер" ҳам бунга эътироз билдирмади.
Хабар қилишларича, чимни алмаштириш ишлари июнь ойини ўрталарида бошланади ва августда ўтадиган, "Милан"-"Ювентус" ўйини билан очиладиган "Берлускони соврини" анъанавий турниригача тугатилади.
