Kicker хабарига кўра, "Аякс" ярим ҳимоячиси Райан Гравенберх "Реал" қизиқишлари доирасида бўлиб турибди.
Ўтган ҳафта нидерландиялик футболчининг агенти "Бавария" вакили Оливер Кан билан учрашди. Аввалроқ, 19 ёшли футболчига "Ювентус"дан ҳам қизиқиш борлиги ҳақида хабарлар тарқалган эди.
Ярим ҳимоячига асосий даъвогар ҳозирча "Бавария" бўлиб турибди, аммо мюнхенликлар "Аякс"га керакли 30 миллион еврони тўлашга тайёр эмас.
2021/22 йилги мавсумда Гравенберх "Аякс" таркибида 34 та ўйинда майдонга тушиб, 1 та гол ва 4 та голли узатмани амалга оширган. Унинг Амстердам клуби билан шартномаси 2023 йилгача мўлжалланган.
