Испания Ла Лигасининг 28-турида "Реал" сафарда "Мальорка" жамоасини (3:0) йирик ҳисобда мағлубиятга учратди.
Учрашувнинг 71-дақиқасида "Реал" футболчиси Родриго Гоэс жароҳат олди. 21-ёшли футболчи майдонни ўзи тарк эта олмади ва тиббиёт штаби ходимларининг ёрдамида майдондан чиқиб кетди ҳамда ўз ўрнини Асенсиога бўшатиб берди.
Ҳозирча Родригонинг жароҳати ҳақида расмий маълумот йўқ.
Аввалроқ, Карим Бензема мушаклари борасида муаммога дуч келиб, бугунги ўйинни охиригача етказа олмадаганди.
Эслатиб ўтамиз, "Реал" кейинги турни 20 март куни "Барселона"га қарши ўтказади.
