"Трабзонспор" клуби дарвозабони жамоадан кетмоқчи эмас. Угуржан Чакир бу ҳақида шундай дейди:
"Мен ёшлигимдан шу ерда, "Трабзонспор" академиясида улғайдим. Болалигимдан бери энг катта орзум мана шу клуб шарафини ҳимоя қилиб, унинг таркибида чемпион бўлиш бўлган. Мана шу мақсад йўлида, ҳозир қаттиқ ҳаракатдамиз. Жамоамиз ўша кунларнинг келишига ишонади. Шу ерда улғайган инсон учун ўз жамоасини чемпион қилишдан юксак мақсад бўлмайди".
Аввалроқ 25 ёшли Чакир учун "Ньюкасл" қизиқиш билдиргани ҳақида хабар қилинган эди. Дарвозабон 20 миллион евро атрофида баҳоланиши айтилган.
