Италия терма жамоаси ва "Ювентус" ҳимоячиси Леонардо Бонуччи Жаҳон чемпионати плей-офф босқичида Шимолий Македонияга қарши ўйинни ўтказиб юбориши мумкин. Италиялик футболчи 2021/2022 йилги мавсум бошидан бери жароҳатлар билан курашиб келмоқда. Бу йил Бонуччи бор йўғи 4 та ўйин ўтказди.
Эслатиб ўтамиз, ҳимоячи эртага "Вильярреал"га қарши Чемпионлар лигаси 1/8 финал ўйинини ўтказиб юборади. Шунингдек, Бонуччи якшанба куни Италия чемпионати доирасида "Салернитана"га қарши ўйинда майдонга тушмайди. Қайд этилишича, ҳимоячи Туркия ёки Португалияга қарши потенциал финалда тикланиши мумкин.
Италиянинг Шимолий Македонияга қарши баҳси 24 март куни бўлиб ўтади.
