Italiya terma jamoasi va "Yuventus" himoyachisi Leonardo Bonuchchi Jahon chempionati pley-off bosqichida Shimoliy Makedoniyaga qarshi o‘yinni o‘tkazib yuborishi mumkin. Italiyalik futbolchi 2021/2022 yilgi mavsum boshidan beri jarohatlar bilan kurashib kelmoqda. Bu yil Bonuchchi bor yo‘g‘i 4 ta o‘yin o‘tkazdi.
Eslatib o‘tamiz, himoyachi ertaga "Vilyarreal"ga qarshi Chempionlar ligasi 1/8 final o‘yinini o‘tkazib yuboradi. Shuningdek, Bonuchchi yakshanba kuni Italiya chempionati doirasida "Salernitana"ga qarshi o‘yinda maydonga tushmaydi. Qayd etilishicha, himoyachi Turkiya yoki Portugaliyaga qarshi potensial finalda tiklanishi mumkin.
Italiyaning Shimoliy Makedoniyaga qarshi bahsi 24 mart kuni bo‘lib o‘tadi.
