Европа чемпионлар лигаси нимчорак финал босқичидан ўрин олган «Лилль» ва «Челси» жамоалари ўртасидаги жавоб учрашуви ўтказилмаслиги мумкин.

"L’Équipe" тарқатган хабарга кўра, Европа иттифоқи томонидан Роман Абрамовичга расман санкция қўлланилгач, юқоридаги ўйин бекор қилиниши мумкин. «Челси», УЕФА ва Европа иттифоқи бу ҳақда хабардор қилинишган.

«Европа иттифоқи томонидан эълон қилинган санкция ҳақидаги эълонда истиснолар ёзилмаса, "Лилль" - "Челси" ўйини ўтказилмай қолиш эҳтимоли юқори», – деди вазият билан яхши таниш бўлган манба.

Буюк Британия Абрамовичга нисбатан санкция жорий қилгач, «Челси»га мавсум охирига қадар фаолиятини давом эттириш учун махсус лицензия берилди. Франциядаги ўйинни ўтказиш учун ҳам Европа иттифоқи "Челси"га лицензия бериши керак.

Эслатиб ўтамиз, лондонликлар дастлабки ўйинда «Лилль» устидан 2:0 ҳисобида зафар қучишганди.