«Барселона» ҳужумчиси Усмон Дембел «ПСЖ» билан оғзаки келишувга эришди, деб хабар бермоқда FootMercato.

Париж клуби Дембелени Килиан Мбаппе ёзда жамоани текинга тарк этганидан сўнг ҳужумни кучайтириш учун идеал футболчи сифатида кўрмоқда.

Ҳужумчининг «Барселона» билан шартномаси июнь ойи охирида тугайди ва унинг хизматларига кўплаб клублар, жумладан, «Манчестер Юнайтед», «Челси», «Тоттенхэм» қизиқиш билдирмоқда.

Дембеле жорий мавсумда Ла Лигада 11 та ўйинда майдонга тушиб, 1 та гол урди ва 7 та голли узатмани амалга оширди.

Олдинроқ «Барселона» футболчини ўзида сақлаб қолмоқчи бўлгани, лекин у билан шахсий шартнома шартлари бўйича келиша олмагани хабар қилинганди.