«Barselona» hujumchisi Usmon Dembel «PSJ» bilan og‘zaki kelishuvga erishdi, deb xabar bermoqda FootMercato.
Parij klubi Dembeleni Kilian Mbappe yozda jamoani tekinga tark etganidan so‘ng hujumni kuchaytirish uchun ideal futbolchi sifatida ko‘rmoqda.
Hujumchining «Barselona» bilan shartnomasi iyun oyi oxirida tugaydi va uning xizmatlariga ko‘plab klublar, jumladan, «Manchester Yunayted», «Chelsi», «Tottenxem» qiziqish bildirmoqda.
Dembele joriy mavsumda La Ligada 11 ta o‘yinda maydonga tushib, 1 ta gol urdi va 7 ta golli uzatmani amalga oshirdi.
Oldinroq «Barselona» futbolchini o‘zida saqlab qolmoqchi bo‘lgani, lekin u bilan shaxsiy shartnoma shartlari bo‘yicha kelisha olmagani xabar qilingandi.
