Поль Погба фаолиятини қаерда давом эттиришини "МЮ" билан шартномаси тугаганидан кейин ҳал қилади.
Франциялик футболчи бу мавсумда янги клуби билан дастлабки шартнома имзоламайди ва ёзда эркин агентга айланади. Погба бор эътиборини мавсум охирига қаратмоқчи, у тугаганидан кейин эса ўз келажаги ҳақида қайғурмоқчи.
"Манчестер Юнайтед" ўтган ёзда футболчи билан янги шартнома борасида музокаралар олиб борган, бироқ томонлар келишувга эришмаган.
2016 йил августидан бери “Юнайтед”да тўп сураётган Погба январ ойидан бошлаб бошқа клублар билан музокаралар олиб бориши мумкин.
29 ёшли ярим ҳимоячи жорий мавсумда “Манчестер Юнайтед” сафида 23 та ўйинда майдонга тушиб, 1 та гол уришга эришди.
