Германиянинг Transfermarkt портали Италия А сериясида ўйнаётган собиқ иттифоқ мамлакатлари футболчилари рейтингини тузиб чиқди.
Рейтингнинг юқори поғонасини «Аталанта» ярим ҳимоячиси Руслан Малиновский эгаллади. Украиналик 28 ёшли футболчининг нархи 30 миллион еврога тенг.
Иккинчи поғонани эса унинг жамоадоши Алексей Миранчук эгаллади. Россиялик 26 ёшли футболчи 11 миллион еврога баҳоланди.
Кучли учликка "Рома" ҳужумчиси Элдор Шомуродов киритилди. Ўзбекистон терма жамоаси сардорининг нархи — 10 миллион евро. "Рома"нинг арманистонлик ярим ҳимоячиси Генрих Мхитарян ҳам 10 миллионга баҳоланган.
