“Барселона”нинг бразилиялик тажрибали ҳимоячиси Дани Алвес журналистларга аргентиналик ҳужумчи Лионель Мессининг “ПСЖ” сафидаги ўйинлари ҳақида ўз фикрини билдириб ўтди.
Данининг айтишича, унга Лионель Париж клубида футболдан умуман завқланмайдигандек туюлади, чунки аргентиналик чинакам бахтли бўлса, унинг ўйини одамларни ҳайратга солади. Алвес Мессининг "ПСЖ"да бўлишини ноўрин деб билишини айтди. Бразилиялик футболчи қачондир Лионель албатта "Барселона"га қайтишига умид қилмоқда.
Эслатиб ўтамиз, Лионель Месси ўтган ёзда каталонияликлар жамоасини тарк этиб, эркин агент сифатида "ПСЖ"га ўтган эди.
