5-турнинг қизиқарли учрашуви сифатида ўтиши кутилаётган “Насаф” – “Андижон” беллашуви олдидан ҳар иккала жамоа устозлари “Насаф” клуби матбуот хизмати ходимлари ўйинолди фикларини билдириб ўтишди.

Александр Аверьянов, “Андижон” бош мураббийи:
— Биз ўтган турда ўз майдонимизда “Динамо”га йирик ҳисобда имкониятни бой бериб қўйдик. Ўйлайманки, бу натижа бизга бўлажак учрашувда халақит бера олмайди. Жамоамиз “Насаф”га қарши ўйинга тайёр ҳолда ташриф буюрган. Чемпионат эндигина бошланди, умид қиламанки, турдан-турга ўз ўйинимизни яхшилаб борамиз. Мухлисларимизга қувончли онларни тақдим этишга  ҳаракат қиламиз.

— “Андижон” Қаршида “Насаф”ни мағлуб этишга қодирми?
— Имкониятлар ҳар иккала жамоада ҳам бир хил — 50/50 деб ҳисоблайман. Биз Қаршига ижобий натижани қўлга киритиш учун келганмиз.

— Жамоа кетма-кет  мағлубиятларга учради. Шогирдларингизни руҳий ҳолати қай даражада?
— Футболда фақат бугун билан яшамоқ лозим. Жамоамиз эртанги ўйинга тайёр. Умид қиламанки Андижонга очко билан қайтамиз.

— Жамоа таркибида йўқотишлар йўқми?
— Футболчиларимизнинг ҳаммаси эртанги ўйинга шай. Таркибимизда жароҳат олганлар йўқ.