«Лестер» етакчисига айланиб бораётган Юри Тилеманснинг келажаги борган сари шубҳа остида қолмоқда. Ярим ҳимоячи кейинги мавсумда қаерда ўйнаши номаълум, унинг ўзи ҳам ҳали тайинли қарорга келгани йўқ.

24 ёшли ярим ҳимоячи «Лестер»да яна бир йил қолмоқчи эмас, лекин у кетишга шошилмаяпти, гарчи футболчига «Арсенал» ва «Манчестер Юнайтед» клублари қизиқиш билдираётган бўлса ҳам, Юри барчасини чуқур ўйлаб кўрмоқчи.

«Мен келажагимга ишонаман. Шартномам 2023 йилда тугайди. Ёзда мен барча вариантларни кўриб чиқаман ва сўнгги қарорни қабул қиламан. Ҳозирча ҳар қандай ҳолатда ҳам кетмоқчи эмасман. Мен ҳали ҳам бир қарорга келганим йўқ. Бу борада келажагим ҳақида кўп ўйламасликка ва ўз ўйинимга эътибор қаратишга ҳаракат қиламан», — дейди Тилеманс.

Тиелеманс ўтган йили «Уэмбли»даги ажойиб голи билан клубнинг энг яхши ўйинчиси деб топилган, чунки «Лестер» ўз тарихидаги илк Англия кубогини қўлга киритди.

«Лестер» қанча пул истайди?

Айрим хабарларга кўра, клуб футболчининг трансфери учун 40 миллион евро (тахминан 34 миллион фунт) сўрамоқда. Ушбу мавсумдаги футболчи қайд этган статистика:

Юрий Тиелеманс жорий мавсум 21 та ўйин ўтказди ва, 4 марта алмаштирилди, битта сариқ карточка олди. У жами 1723 дақиқа вақтини майдонда ўтказган ва 6 та гол урган, шунингдек, 2 та голли узатмани ҳам амалга оширди.

«Лестер» бош мураббийининг сўзлари:

«Юри янги шартномага умид қилмоқда. У раҳбарият уни эътибордан четда қолдирмаётганига ишонч ҳосил қилиши керак. Табиийки, уни шу ерда, «Лестер»да қолишидан хурсанд бўлар эдим, лекин футболчиларнинг бир клубдаги фаолияти қисқа бўлиб қолишини ҳам яхши тушунаман”, — дейди Рожерс.

Фабрицио Романонинг сўнгги маълумотлари:

«Реал Мадрид» ва «Ман Сити» ҳам ярим ҳимоячи билан боғлиқ вазиятни диққат билан кузатиб бормоқда.

• Тилеманс «Реал Мадрид» ярим ҳимоя чизиғига керакли ротация бўлиши кутиляпти.

• «Манчестер Юнайтед» бельгиялик футболчининг агенти билан доимий алоқада.

«Лестер» таклиф қилаётган янги шартнома ҳақида нима дейиш мумкин?

Daily Mail хабарига кўра, клуб февраль ойида бельгиялик футболчининг маошини 100 минг фунтга кўтариши кутилганди. Бу уни клубнинг энг кўп маош олувчи футболчиларидан бирига айлантиради. Тилеманс Евро-2020даги ўйинлари билан кўпчиликнинг эътиборини тортди, шундан сўнг унинг нархи 60-65 миллион еврогача кўтарилди. У турнирда 2 та гол урган ва 1 та голли узатмани амалга оширган.