"Тоттенҳем" бош мураббийи Ҳарри Реднапп Англия чемпионати 35-турида КПРдан учралган мағлубият (0:1) сабабларини тушунтириб ўтди.
"Мағлубиятдан ҳафсалам пир бўлди, лекин футболчиларни ёмон ўйнадилар деб айблай олмайман. Биз тўп билан кўпроқ муомала қилдик ва устунлик биз томонда бўлди. Умуман биз яхши ўйнадик ва голли вазиятларга эга бўлдик, шунчаки гол ура олмадик.
Мен КПР билан ўйин қийин кечишини билар эдим. Уларнинг "Арсенал"ни ўз уйларида доғда қолдирганларини кўрдим, роса терлашди. Биз билан ўйинда ҳам вазиятлар яратишди, гол уриб олгач, ҳисобни ушлаб қолиш учун ўйнадилар.
Улар жаримадан гол урган вазиятдан бошқа Фриделнинг дарвозасини голдан сақлаб қолиш учун қийналганини кўрмадим.
КПРга тан бериш керак - улар ўлимга ўйнадилар, зарбаларга ўзларини ташладилар ва дарвозабон ҳам қутқарди. Биз бунга қарши ҳеч нарса қила олмадик", - дея Реднаппнинг сўзларини келтиради "Тоттенҳем" расмий сайти.
