Бугун Англия Премьер-Лигаси доирасида "Астон Вилла" ҳамда «Арсенал» жамоалари ўзаро тўқнаш келишади.
Мазкур ўйин бошлангунига қадар бир қатор қизиқарли маълумотларни тақдим этамиз.
Биласизми?
«Арсенал» Премьер-Лиганинг охирги 4 сафар ўйинида ғалаба қозонди. Клуб жорий мавсум дастлабки 8 сафар ўйинида 2 марта ғалаба қайд этган эди (1 дуранг, 5 мағлубият). «Тўпчилар» 2015 йилнинг май ойидан бери кетма-кет 5 меҳмон баҳсида ғалаба қозонишмаган.
Букайо Сака Премьер-Лига доирасидаги сўнгги 4 ўйинида 5 та голли вазиятларда иштирок этди (4 гол ва 1 ассист). Жорий мавсум сафар ўйинларида Сакадан кўп гол урган «Арсенал» футболчиси йўқ.
"Астон Вилла" АПЛ доирасида ўтган «Арсенал»га қарши охирги 2 уй учрашувида ғалаба қозонган. Жамоа мусобақада «тўпчилар»ни бу сериядан кўп марта ғалаба қозонган пайти 1975 ва 1979 йилларга тўғри келади (4 марта).
Филиппе Коутиньо "Астон Вилла" таркибида Премьер-Лиганинг охирги 4 уй учрашувида 6 голда қатнашишга эришди (3 гол, 3 ассист). Бу натижаси орқали у январь ойида жамоага қўшилганидан бери исталган шерикларидан камида иккита кўп голли ҳаракатларни амалга оширган. Бирмингемликлар сафида дастлабки 5 ўйинида 6+ голли вазиятларда қатнашган футболчи сифатида фақатгина Дион Дублин эътироф этиб келинади (6 гол ва 1 ассист). Коутиньо ҳам унинг сафига қўшилиши мумкин.
Баҳс расмийлари
Учрашувни Энди Медли бошқарувидаги ҳакамлар бригадаси бошқариб боришади.
Бош ҳакам: Энди Медли
Қанот ҳакамлари: Саймон Беннет, Марк Скоулс
Захира ҳаками:Мартин Аткинсон
ВАР: Жонатан Мосс
ВАР ёрдамчиси: Тимоти Вуд
Учрашув ФУТБОЛ ТВ телеканалида намойиш этилади ва Даврон Файзиев шархлаб боради. Баҳс Тошкент вақти билан 17:30да бошланиши режалаштирилган.
Жамоалар шу пайтга қадар ўзаро 53 марта АПЛ ўйинида тўқнаш келишган. Шулардан 28 тасида «Арсенал», 11 ўйинда "Астон Вилла"нинг қўли баланд келган. 14 учрашувда дуранг натижаси қайд этилган. Томонларнинг Премьер-Лига доирасидаги сўнгги учрашуви ўтган йилнинг 22 октябрь куни бўлиб ўтган ва унда лондонликлар ўз майдонида 3:1 ҳисобида ғалаба қозонишган.
Жума, 22 октябрь 2021 йил
«Арсенал» 3-1 "Астон Вилла"
Шанба, 6 февраль 2021 йил
"Астон Вилла" 1-0 «Арсенал»
Якшанба, 8 ноябрь 2020
«Арсенал» 0-3 "Астон Вилла"
Сешанба, 21 июль 2020 йил
"Астон Вилла" 1-0 «Арсенал»
Якшанба, 22 сентябрь 2019 йил
«Арсенал» 3-2 "Астон Вилла"
Айни пайтда «Арсенал» жамоаси 51 очко тўплаган ҳолда мусобақа жадвалининг 4-ўрнида бормоқда. 36 очко жамғарган мезбонлар эса 9-поғонадан жой олишган. Жорий мавсум Премьер-Лигада "Астон Вилла" 9, «Арсенал» эса 12 учрашувда дарвозасидан тўп олиб чиқмаган.
Иккала жамоа ўйинчилари ўртасида Эмил Смит Роу жорий мавсум АПЛ ўйинларида энг кўп гол киритиган - тўққизта. Александр Ляказетт эса 7 та голли узатма билан энг яхши ассистент бўлиб турибди.
Тахминий таркиблар
"Астон Вилла": Мартинес, Кеш, Чемберс, Мингс, Янг, МакГин, Луиз, Ремси, Буэндиа, Коутиньо, Уоткинс
«Арсенал»: Рэмсдейл, Соареш, Уайт, Магаляеш, Тирни, Парти, Жака, Сака, Эдегор, Мартинелли, Ляказетт.
